اي والله أهوجس ولانـي بمرتـاح
والحزن في حوش المنايـا بفـاروع
أمسيت من وصل المواليـف مـزاح
وأصبحت من فرقا المواليف مفجوع
البارحه في غبـة الوصـل سبـاح
واليوم من عرش المواصيل مخلوع
ياصاحبي صرح الهوى والوفا طـاح
والقلب كنه من عراويـه مقشـوع
كان أحسب أن لحبنا عشـرة أرواح
الين شفت الحبـل بيديـه مقطـوع
يوم العهد به حـده أسبـوع لاراح
أسبوع ويعود علي شـوق ودمـوع
واليوم خمس سنين والهـم مـازاح
هم الفراق اللي بلا عـذر مشـروع
أستغفر الله تسعة شهـور ياصـاح
في غيبته قمت أحسب اليوم باأسبوع
العام خلي يسمـع القلـب لاصـاح
واليوم مهما صاح ماهـو بمسمـوع
ضاع الحساب وشفت برق الجفا لاح
وأيست لولاان الرجا فـي مـزروع
وحالي نحل والحال مهوب منسـاح
من كثر ماأظما للمواصيـل وأجـوع
بليت في من دونه سيـوف ورمـاح
وغدا علي وصله مثل حبـة الكـوع
له مني ان سره على الناس مابـاح
ولي منه الصد غصب(ن) بلا طـوع
وسلامتكم
موضوع: العام خلي يسمع القلب لا صاح *** واليوم مهما صاح ماهو بمسموع 
الجمعة سبتمبر 24, 2010 7:44 pm
الموقع
