جيت اعترف لجل الامانه والاشواق
وكل الحنان اللي يعانق جفوني
جيت اعترف صدري من غيابكم ضاق
تصيح المشاعر با الحناجر يبونك
جيت اعترف ماعاد باقي لها باق
في الحياة وكيف بحيا بدونك.؟
دنيا بعد فرقاك ما عاد تنطاق
كل السعاده غادرت مع عيونك
اعني رياح الوجد هبت با الافاق
بعد الهدوء اللي بشواطي سكونك
لك منزل في اقصى الضماير والاعماق
يبكي جداره يوم فارق لحونك
تنوح القصايد كا الايتام في الاوراق
ايتام بعد مفارقك يسالونك
كيف؟؟ يهناك العيش يازين بفراق
شريان قلب راويه به غصونك
ارجع لقلب من تجافيك خفاق
ارجع لروح حالفه ماتخونك
ارجع لطرف صار با الدمع دفاق
ارجع لخل عاش عمره يصونك
ارجع وتكفى لاتطاوع ضنونك
((( مع خالص الود ))
موضوع: دنيا بعد فرقاك ماعاد تنطاق..؟ 
السبت مايو 15, 2010 2:22 pm