دخيل اللي بسط سبع ورفع فوقهن سبعه
دخيلك لاتعذبني كفاني نص مافيني
انا من حطك بعينه وابي لا ينزفك دمعه
لاني واثق وربي فراقك بس يبكيني
وانا الماشي على دربك ولالي دونكم رجعه
على ماتامرك نفسك توديني توديني
انا راضي وممنونك ولو ان الأمل شمعه
ولو افنيت كل عمري رجاء بس يكفيني
وش الدنيا بلا وجودك ترى مالي بها طعمه
مدام ثلثي الميت فدا لرضاك ثلثيني
انا اللي ضاع بعيونك وخانت فيني الرجعه
وانا الواقف على شط الفرات وصاح يانابيعه
جميله رشفت الحفه ولكن ماتكفيني
تعيش بروحي الغالي واشوفك قمة الروعه
ولاسمع من عذلني بك ولا والله يعنيني
بشر وقلوبهم قفر او لا تلقى بها فزعه
وجودك انت بالدنيا قسم بالله يغنيني
مدام حتى ابونا آدم يلومونه على ضلعه
انا راضي يلوموني مدامك كل مافيني
اتمنى تنال اعجابكم
تحياااااتي
موضوع: لاتعذبني 
الأحد أبريل 25, 2010 9:40 pm